Ховд аймгийн Баяннурууны отрын бүс нутагт үлийн цагаан оготнотой тэмцэх ажлыг зохион байгуулав.

Устгалын ажилд тухайн сум орон нутгаас нийт 18 иргэнийг гэрээ байгуулан ажиллуулсан. Тухайн иргэдэд ажлын хувцас, тоног төхөөрөмж, бээлий олгосон. Ажилчдад мэрэгчидтэй тэмцэх арга ажиллагааны зааварчилгаа өгч хөдөлмөр аюулгүй ажиллагааны зааварчилгаагаар хангаж, ажиллах хугацаандаа архи согтууруулах ундаа хэрэглэхгүй байх талаар гарын үсгийн баталгаа авч ажиллаа.
Устгах ажилд нийт ачааны машин 2, суудлын автомашин 1 мотоцикль 4 гэсэн техник, ус агуулах сав 2 ш 1 тонны багтаамжтай мөн ус зөөх хувин 10 ш зэрэг багаж хэрэгсэл хэрэглэн, тус ажлыг хийж гүйцэтгэсэн. Тус устгалын ажлын техникийн үр дүн 90%-тай дүгнэгдсэн.