Говьсүмбэр аймгийн "малах" отрын бүс нутгийн өвөлжилтын байдал

2022 оны 12 дугаар сарын 08-ны өдрийн байдлаар “малах отрын бүс” нутагт Төв, Говьсүмбэр аймгийн 2 сумын 82 өрхийн 75996 хонин толгой мал зөвшөөрөлтэй, Төв, Өвөрхангай, Хэнтий, Дундговь аймгийн 7 сумын 18 өрхийн 23027 хонин толгой мал зөвшөөрөлгүй өвөлжиж байна. Отрын бүсэд 12 дугаар сарын эхний арав хоногийн агаарын температурын дундаж -20 - -25 хүйтэн байсан. Хоёрдугаар 10 хоногийн байдлаар бага зэргийн цас орсон, отрын бүсийн баруун хэсгээр алаг цоохор цастай, зүүн болон урд талаар 5-10 см зузаан цастай, шуурч хунгарласан хэсэгт түүнээс их цастай байна. Ус цаг агаар, орчны мэдээ мэдээллийн газраас гаргасан зудын эрсдэлийн зургаар Малах отрын бүс “Их эрсдэлтэй” хэсэгт орж байна.