“БЭЛЧЭЭРИЙН АШИГЛАЛТ, ХАМГААЛАЛТЫГ САЙЖРУУЛАХ НЬ” СЭДЭВТ 4 ӨДРИЙН СУРГАЛТЫГ ЗОХИОН БАЙГУУЛЛАА.

Байгууллагын ажилтан албан хаагчдад менежментийн талаарх мэдлэг, чадавхийг дээшлүүлэх, бэлчээрийн гарц даацыг тооцох, бэлчээрийн мониторинг хийх, түүнийг нөхөн сэргээх арга зүйг эзэмшүүлэхэд чиглэсэн “Бэлчээрийн ашиглалт, хамгаалалтыг сайжруулах нь” сэдэвт 4 өдрийн сургалтыг 2017 оны 01 дүгээр сарын 18-21-ний өдрүүдэд зохион байгууллаа.

Сургалтын арга хэмжээг нээж Хүнс, Хөдөө аж ахуй, Хөнгөн үйлдвэрийн яамны Төрийн нарийн бичгийн дарга Л.Баяртулга, Мал аж ахуйн бодлогын хэрэгжилтийг зохицуулах газрын дарга Л.Чой-Иш,  Аймаг дундын отрын бэлчээр ашиглалтын захиргааны дарга О.Амгаланбаатар, Зах зээл ба бэлчээрийн удирдлагын хөгжил төслийн бүрэлдэхүүн хэсгийн зохицуулагч Б.Цэцэнбаатар нар үг хэлж оролцлоо.